नेपाल राष्ट्र बैंकले विभिन्न वाणिज्य बैंकलाई शेयर ब्रोकरको रुपमा काम गर्ने लक्ष्यका साथ सहायक कम्पनी खोल्न अनुमति दिएको अवस्थामा नेपालमा भने इन्साइडर ट्रेडिङको डर देखाएर बैंकलाई ब्रोकर लाईसेन्स दिने कुरालाई ढिला लगिदै आएको छ।

दक्षिण एशियाली मुलुक श्रीलंकामा भने बैंकका सहायक कम्पनीहरुले शेयर कारोवार अर्थात ब्रोकरको काम गरिरहेका छन् । श्रीलंकाको शेयर बजारमा नेपालको भन्दा थोरै ब्रोकर भए पनि बैंकका साहायक कम्पनी, मर्चेन्ट बैंकले पनि ब्रोकरको काम गर्ने वातावरण मिलाईएको छ।

श्रीलंकामा बैंकको लगानी रहेको कम्पनीको रुपमा कार्यरत एक ब्रोकर हो लंका सेक्युरिटिज । सन् १९८९ मा स्थापान भएको यस ब्रोकर कम्पनी बैंक अफ सिलोनको लगानी भएको कम्पनी हो। लंका सेक्युरिटिजले पाकिस्तानको कम्पनी फर्स्ट क्यापिटल सेक्युरिटिज कर्पोरेशनलाई पनि आफ्नो शेयरधनी बनाएको छ।

बैंकका सहायक कम्पनीलाई ब्रोकर लाईसेन्स दिनु नयाँ विषय होइन भने पक्कै होइन । निकै सानो शेयर बजार भुटानमा समेत ४३ प्रतिशत ब्रोकर व्यसायमा हिस्सा बैंकको रहेको छ।