काठमाडौं । नेपाल बीमा प्राधिकरणले आज बिहानलाई राखेको नवौँ चरणको जीवन बीमा अभिकर्ताको अनलाइन परीक्षा स्थगित भएको छ।
प्राधिकरणले आज पुस १६ गतेबाट पुस २० गतेसम्म परीक्षा सञ्चालन गर्ने सूचना जारी गरेको थियो। प्राधिकरणका अनुसार परीक्षा बिहान ८ः३० बजेदेखि १० बजेसम्म सञ्चालन हुने भनिएको थियो। तर, सर्भरमा समस्या देखिएकोले आज बिहान ८ः३० बजेको परीक्षा स्थगित भएको प्राधिकरणले जनाएको छ। परीक्षा आजै हुने र परीक्षा हुने समय भने अभिकर्तालाई एसएमएस पठाएर जानकारी गराइने प्राधिकरणको भनाइ छ।
प्राधिकरणले बीमा ऐन २०७९ अनुसार जीवन बीमा मध्यस्थकर्ताहरुको परीक्षा लिएरमात्रै इजाजत दिने व्यवस्था भएबमोजिम जीवन बीमा अभिकर्ताको अनलाइन परीक्षा गर्दै आएको छ।
