काठमाडौं । नेसनल लाइफ इन्स्योरेन्स कम्पनीमा दुईजना सञ्चालक नियुक्त गरिएको छ।
कम्पनी सञ्चालक समितिको बैठकले राष्ट्रिय वाणिज्य बैंकबाट प्रतिनिधित्व गर्ने सञ्चालकमा बैंकका नायब प्रमुख कार्यकारी अधिकृत विनयरमण पौडेललाई नियुक्त गरेको छ। बैंकले गत भदौ २९ गते पत्र पठाई पौडेललाई सञ्चालकमा नियुक्त गर्न कम्पनीसमक्ष सिफारिस गरेको थियो।
यसैगरी बैठकले सञ्चालक समितिमा हाल रिक्त रहेको सञ्चालकमा सरस्वती अधिकारीलाई नियुक्त गर्ने निर्णय गरेको छ। उनको नियुक्ति आगामी वार्षिक साधारणसभाबाट अनुमोदन गरिने कम्पनीले जनाएको छ।
