काठमाडौं । चालु आर्थिक वर्ष २०८३।८४ को प्रथम त्रैमास (साउन–असोज)सम्म जीवन बीमा कम्पनीहरुले साढे ५७ अर्ब रुपैयाँ बढीको व्यापार भित्र्याएका छन्।
नेपाल बीमा प्राधिकरणले सार्वजनिक गरेको तथ्यांकअनुसार १४ वटा जीवन बीमकले चालु आर्थिक वर्षको असोजसम्म ५७ अर्ब ५२ करोड २० लाख रुपैयाँ कुल बीमाशुल्क संकलन गरेका हुन्। अघिल्लो वर्ष २०८२।८३ को असोजसम्म कम्पनीहरुले ४९ अर्ब २२ करोड ९३ लाख रुपैयाँ कुल बीमाशुल्क संकलन गरेका थिए। अघिल्लो वर्षको तुलनामा समीक्षा अवधिसम्म कम्पनीहरुको व्यापार १६.८५ प्रतिशतले बढेको छ।
समीक्षा अवधिसम्म सर्वाधिक व्यापार भित्र्याउनेमा नेपाल लाइफ रहेको छ भने व्यापार ग्रोथको हिसाबले आइएमई लाइफ इन्स्योरेन्स अगाडि रहेको छ। अघिल्लो वर्षको तुलनामा समीक्षा अवधिसम्म सबै बीमकको व्यापार बढेको छ।
चालु आर्थिक वर्षको असोजसम्म नेपाल लाइफले १४ अर्ब ७२ करोड ८९ लाख रुपैयाँ कुल बीमाशुल्क संकलन गरेको छ। अघिल्लो वर्ष असोजसम्म कम्पनीले १३ अर्ब ४५ करोड ५० लाख रुपैयाँ कुल बीमाशुल्क संकलन गरेको थियो। अघिल्लो वर्षको तुलनामा समीक्षा अवधिसम्म कम्पनीको व्यापार ९.४७ प्रतिशतले बढेको छ।
यसैगरी दोस्रो धेरै व्यापार भित्र्याउनेमा नेसनल लाइफ रहेको छ। समीक्षा अवधिसम्म यो कम्पनीले ७ अर्ब ३६ करोड २६ लाख रुपैयाँ कुल बीमाशुल्क संकलन गरेको छ। अघिल्लो वर्ष असोजसम्म कम्पनीले ५ अर्ब ६८ करोड ४७ लाख रुपैयाँ कुल बीमाशुल्क संकलन गरेको थियो। अघिल्लो वर्षको तुलनामा समीक्षा अवधिसम्म कम्पनीको व्यापार २९.५१ प्रतिशतले बढेको छ।
धेरै व्यापार भित्र्याउने हिसाबले लाइफ इन्स्योरेन्स कर्पोरेसन (एलआईसी नेपाल) कम्पनी तेस्रो स्थानमा रहेको छ। अघिल्लो वर्ष असोजसम्म कम्पनीले ४ अर्ब ९८ करोड ३४ लाख रुपैयाँ कुल बीमाशुल्क संकलन गरेकोमा समीक्षा अवधिसम्म ५ अर्ब ४५ करोड ७८ लाख रुपैयाँ कुल बीमाशुल्क संकलन गरेको छ। अघिल्लो वर्षको तुलनामा समीक्षा अवधिसम्म कम्पनीको व्यापार ९.५२ प्रतिशतले बढेको छ।
यसैगरी चालु आर्थिक वर्षको असोजसम्म हिमालयन लाइफले ५ अर्ब १५ करोड १३ लाख रुपैयाँ, राष्ट्रिय जीवन बीमा कम्पनीले ४ अर्ब ८३ करोड १७ लाख रुपैयाँ, सूर्यज्योति लाइफले ३ अर्ब ५१ करोड ५८ लाख रुपैयाँ र एसियन लाइफले २ अर्ब ७८ करोड २५ लाख रुपैयाँ कुल बीमाशुल्क संकलन गरेका छन्। अघिल्लो वर्षको तुलनामा समीक्षा अवधिसम्म हिमालयन लाइफको व्यापार १६.१२ प्रतिशत, राष्ट्रिय जीवन बीमा कम्पनीको ६.६१ प्रतिशत, सूर्यज्योति लाइफको २२.०३ प्रतिशत र एसियन लाइफको २२.६० प्रतिशतले बढेको छ।
त्यस्तै समीक्षा अवधिसम्म सिटिजन लाइफले २ अर्ब ५२ करोड १ लाख रुपैयाँ, सानिमा रिलायन्स लाइफले २ अर्ब २४ करोड ५८ लाख रुपैयाँ, आइएमई लाइफले २ अर्ब १७ करोड रुपैयाँ, मेटलाइफले १ अर्ब ८६ करोड ७१ लाख रुपैयाँ, रिलायबल नेपाल लाइफले १ अर्ब ८५ करोड ९ लाख रुपैयाँ, प्रभु महालक्ष्मी लाइफले १ अर्ब ८४ करोड ५ लाख रुपैयाँ र सन नेपाल लाइफले १ अर्ब १९ करोड ६५ लाख रुपैयाँ कुल बीमाशुल्क संकलन गरेका छन्। अघिल्लो वर्षको साउनको तुलनामा समीक्षा अवधिसम्म सबै कम्पनीको व्यापार बढेको छ।
कसको व्यापार ग्रोथ कस्तो ?
