काठमाडौं । गरिमा विकास बैंकको ठूला शेयरधनीको पहिलो स्थानमा प्रदिपकुमार रुंगटा रहेका छन्।
बैंकको वार्षिक प्रतिवेदनअनुसार रुंगटाको बैंकमा सबैभन्दा धेरै २.५६ प्रतिशत स्वामित्वसहित १५ करोड ४२ लाख ६२ हजार ८२१ रुपैयाँ बराबरको लगानी छ।
दोस्रो स्थानमा रहेका श्यामप्रसाद बस्यालको १.६३ प्रतिशत (९ करोड ८४ लाख रुपैयाँभन्दा बढी) र तेस्रो स्थानमा छविलाल कुँवरको १.३३ प्रतिशत (८ करोड ३ लाख रुपैयाँभन्दा बढी) शेयर हिस्सा रहेको छ।
बैंकमा ०.५ प्रतिशतभन्दा बढी शेयर स्वामित्व हुने शेयरधनीहरुको कुल संख्या २५ रहेको छ।
