काठमाडौं । नेपाल बीमा प्राधिकरणले जीवन बीमा अभिकर्ता इजाजत पत्रका लागि सञ्चालन गरेको अनलाइन परिक्षामा थप १७६ जना परिक्षार्थी उतीर्ण भएका छन् । प्राधिकरणका अनुसार मंसिर ४ देखि ८ गतेसम्म सञ्चालित अनलाइन परिक्षामा सहभागीमध्ये १७६ जना उतीर्ण भएका हुन् ।
प्राधिकरणले प्रकाशन गरेको परिक्षाफल अनुसार नेशनल लाइफबाट ३० जना, एशियन लाइफ १७ जना, सूर्या लाइफ १२ जना आइएमइ लाइफबाट २९ जना प्रभू लाइफबाट ९ जना सिटिजन लाइफबाट ७ जना हिमालयन लाइफबाट २८ जना रिलायबल नेपाल लाइफबाट ६ जना मेटलाइफ एलिकोबाट ५ जना सानिमा रिलायन्स लाइफबाट ४ जना नेपाल लाइफबाट १६ जना र एलआइसी नेपालबाट ७ जना उतीर्ण भएका छन्।
यसअघि कात्तिक महिनामा सञ्चालित परिक्षामा सहभागीमध्ये कूल २१९ जना अनलाइन परिक्षामा उतीर्ण भई अभिकर्ता इजाजत पत्र हासिल गर्न सफल भएका थिए । प्राधिकरणले अभिकर्ता इजाजत पत्र वितरणमा अनियमितता भएको निष्कर्ष सहित अनलाइन परिक्षामार्फत इजाजत पत्र वितरणमा कडाई गरेर व्यवसायीक अभिकर्ता उत्पादनको लक्ष्य लिएको छ।
