काठमाडौं। आरएसडिसी लघुवित्त वित्तिय सस्था (RSDC) ले गत आर्थिक वर्ष ७८/७९ को चौथो त्रैमासको वित्तिय विवरण सार्वजनिक गरेको छ । सार्वजिक गरेको वित्तीय विवरण अनुसार कम्पनीले खुद नाफामा ४८ दशमलव ४५ प्रतिशतको वृद्धि गर्न सफल भएको छ । आर्थिक वर्ष ७७/७८ को चौथो त्रैमाससम्म ९ करोड १० लाख खुद नाफा गरेको कम्पनीले आर्थिक वर्ष ७८/७९ को चौथो त्रैमाससम्म १३ करोड ५२ लाख खुद नाफा गर्न सफल भएको छ ।
खुद नाफामा वृद्धि देखिएसँगै कम्पनीको प्रति शेयर आम्दानी पनि वृद्धि हुँदै १६ रुपैयाँ ७९ पैसा पुगेको छ । समिक्षा अवधिमा प्रति शेयर आम्दानी १२ रुपैयाँ ४४ पैसा थियो ।
८० करोड ५१ लाख चुक्ता पुँजी भएको कम्पनीको जगेडा कोषमा ९ करोड ५० लाख रहेको छ भने संचित मुनाफा ११ करोड ५३ लाख रहेको छ । जगेडा कोष ४१ दशमलव १८ प्रतिशतले वृद्धि भएको छ भने संचित मुनाफा ३३ दशमलव ९० प्रतिशतले वृद्धि भएको छ ।
सापटी रकम ५१ दशमलव १४ प्रतिशतले वृद्धि हुँदै ४ अर्ब ६४ करोड पुगेको छ भने लघुवित्त कम्पनीहरुलाई गरिने कर्जा प्रवाह ५५ दशमलव ९६ प्रतिशतले वृद्धि भएर ५ अर्ब ४४ करोड पुगेको छ।
आम्दानीको प्रमुख श्रोतमा रहेको खुद व्याज आम्दानी ४६ दशमलव ३६ प्रतिशतले वृद्धि भएर २३ करोड ८२ लाख पुगेको छ भने संचालन मुनाफा करिव ५० प्रतिशतले वृद्धि भएर १९ करोड ३१ लाख पुगेको छ।
कम्पनीको वितरणयोग्य मुनाफा १० करोड ५८ लाख रहेको छ भने प्रति शेयर नेट्वर्थ १२६ रुपैयाँ छ ।
