बीमा समितिले बीमा क्षेत्रको नियमनका लागी विभिन्न मार्गदर्शन तथा नियमन अनुवाद गर्ने भएको छ । समितिको चालु आर्थिक बर्ष २०७५/७६ बार्षिक कार्यक्रममा समितिले मार्गदशन निर्माण गर्ने र अन्य कानुनहरु अनुवाद गर्ने योजना बनाएको छ ।
चालु आवको बार्षिक कार्यक्रम अनुसार समितिले बीमकको लागी सुचना प्रविधि सम्बन्धी मार्गदर्शन निर्माण गर्ने भएको छ । बीमा कम्पनीहरुको सुचना प्रणालीमा एक रुपता ल्याउँन समितिले यस्तो खालको मार्गदर्शन निर्माण गर्ने योजना बनाएको हो । समितिको चालु आवको कार्यक्रममा उक्त मार्गदर्शन निर्माण गर्ने योजना रहेको छ ।
त्यसैगरी समितिले बीमकको जोखिम व्यवस्थापन मार्गदशन तथा आन्तरिक नियन्त्रण मार्गदर्शन निर्माण समेत गर्ने भएको छ । बीमा कम्पनीहरुमा जोखिम अवस्था बढ्दै गएकोले यसको व्यवस्थापन को लागी समितिले जोखिम व्यवस्थापन सम्बन्धी पनि मार्गदशन तयार गर्ने भएको हो ।
जीवन बीमा गर्ने बीमकको आर्थिक लेखाजोखा र दायित्व सम्बन्धी निर्देशिका, २०६५ संशोधन गर्ने भएको छ । समयसापेक्ष परिमार्जन गर्नुपर्ने भएकोले चालु आवको बार्षिक कार्यक्रममा समितिले उक्त योजना समेत समेटेको छ । साथै बीमा क्षेत्रलाई अझै शसक्त बनाउँन समितिले बीमा सम्बन्धी विभिन्न कानुन, नियम तथा निर्देशिकाहरु अनुवादन गर्ने भएको छ ।
समितिले चालु आवको कार्यक्रम उक्त योजना समावेश गरे पनि पूर्णता पाउँने सम्भावना भने कम देखिन्छ । चालु आवको सात पुगीसक्दा पनि उक्त कुनै पनि कार्यको सुरुवात नै भएको छैन । त्यसैले भोलिको दिनमा यसले पूर्णता पाउँनेमा भने शंका देखिएको छ ।
त्यसैगरी समितिले चालु आवमा बीमा सम्बन्धी जनचेतना बढाउँन विभिन्न कार्यक्रम आयोजना गर्ने योजना बनाएको छ । विभिन्न निकाय र सरोकारवाला पक्षहरुसँग अन्र्तक्रिया र छलफललाई घनीभूत बनाउँने, विद्यालय, विद्यार्थीहरुसँग छलफल गर्ने र पाठ्यक्रममा बीमा समावेश गर्ने समितिको योजना रहेको छ ।
जस अनुसार समितिले अहिले विभिन्न स्थानिय निकासँग बीमा सम्बन्धी अन्र्तक्रिया आयोजना गरी रहेको छ । साथै बीमा कम्पनीका लगानीकर्ता र कर्मचारीहरुसँग छलफल पनि गरेको छ ।
