काठमाडौं । इक्रा नेपाल लिमिटेडले आफ्नो ११औँ वार्षिक साधारणसभा असोज २५ गते गर्ने भएको छ । कम्पनी सञ्चालक समितिको बैठकले वार्षिक साधारणसभा काठमाडौंको ठमेल एलोफ्ट काठमाडौंमा दिनको १२ः३० बजे गर्ने जनाएको छ ।
सभाले आर्थिक वर्ष २०७९/८०का लागि सञ्चालक समिति प्रस्तावित हाल कायम चुक्तापुँजीको ५९ दशलमव १० प्रतिशतले हुन आउने नगद लाभांश(करसहित) पारित गर्नेछ । जसअनुसार कम्पनीले आफ्ना शेयरधनीहरुलाई कुल ४ करोड २५ लाख ५३ हजार ५३८ रुपैयाँ नगद लाभांश वितरण गर्नेछ ।
त्यस्तै सभाले सञ्चालक समितिबाट प्रस्तुत गरिने गत आर्थिक वर्षको वार्षिक प्रतिवेदन छलफल गरी पारित गर्ने र चालू आर्थिक वर्ष २०८०/८१ को लागि लेखापपरिक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गर्नेछ ।
