काठमाडौं । निजी क्षेत्रको वायू सेवा प्रदायक यती एयरलाइन्स लिमिटेडले चाडपर्वलाई लक्षित गर्दै काठमाडाैंबाट बाहिरिने महँगो दरको मूल्यमा टिकट बिक्री बन्द गरेको छ। एयरलाइन्सले बिहीबार सूचना प्रकाशन गर्दै काठमाडाैंबाट बाहिरिने यात्रुको चाप अधिक भएपनि उनीहरूको राहतका लागि माथिल्लो दरको मूल्यमा टिकट बिक्री बन्द गरिएको जानकारी दिएको छ।
एयरलाइन्सका अनुसार, चाडपर्वमा यात्रुको चाप बढेपनि मध्यम दरका टिकट मात्र बिक्रीमा राखिएका छन् । यसैगरी चाडपर्वपछि काठमाडाैं भित्रिने यात्रुको चाप सीमित भएपनि न्यून मूल्यमै यात्रुलाई टिकट उपलब्ध गराइएको समेत घोषणा गरेको छ।
