युनियन लाईफ ईन्स्योरेन्सले क्षेत्रीय कार्यालय नेपालगन्जको आयोजनामा तथा अभिकर्ता अभिनन्दन कार्यक्रम सम्पन्न गरेको छ । इन्स्योरेन्सका प्रमुख कार्यकारी अधिकृत मनोज कुमार लाल कर्णको प्रमुख आतिथ्यमा भएको कार्यक्रममा ४ सय जना अभिकर्ताहरुको उपस्थित रहेको थियो ।
कार्यक्रममा बोल्दै, प्रमुख कार्यकारी अधिकृत कर्णले एजेन्टको परिभाषा बदल्नुपर्ने भन्दै आफ्नो ब्यक्तिगत धारणा राखेका थिए । एजेन्ट होइन एम्बेसडर राख्नुपर्ने धारण व्यक्त गरे । केहि अभिकर्ताहरु एजेन्ट शब्दले गर्दा कार्य गर्न हिच्किचाएको जानकारी दिए ।
अभिकर्ताको मागलाई सम्बोधन गर्दै युनियन लाईफले क्लब संरचनाको ब्यबस्था गरेको बताउँदै, क्लब प्रबेश गर्ने जो कोहि अभिकर्ता करोडपती बनेर निस्कने भन्दै क्लब प्रबेश गर्ने बिस्तृत उपाएहरुको बारेमा जानकारी दिए ।
बीमा जगतमै पहिलो प्रयोग गरेको क्लब संरचनाले वर्निङ डिजाएर भएका राम्रा अभिकर्ता आकर्षित हुने बताए । कार्यक्रममा सहभागी उत्कृष्ट अभिकर्ताहरुलाई अभिनन्दन तथा कार बिजेता अभिकर्ताहरुलाई कारको चावी हस्तान्तरण समेत गरिएको थियो ।
बीमा जगतमै बेग्लै पहिचान बनाउन सफल युनियन लाईफ कम्पनिले एमडीआरटि क्लवमा ६ जना अभिकर्ता आबद्ध गराईसकेको छ । कार्यक्रममा सहभागि हुनको लागि यूएसएको भिसा प्रकृयामा रहेका छन् ।
