काठमाडौं । मेगा बैंकले चालु आर्थिक वर्षको तेस्रो त्रैमाशिक अवधिमा २ अर्ब एक करोड रुपैयाँ मुनाफा आर्जन गरेको छ । बैंकले अघिल्लो आर्थिक वर्षमा एक अर्ब ९७ करोड रुपैयाँ आर्जन गरेको थियो । खुद व्याज आम्दानीमा भने सामान्य गिरावट देखिएको छ । समिक्षा अवधिमा बैंकको यस्तो आम्दानी तीन अर्ब ९५ करोड रुपैयाँ रहेको छ ।
प्रतिशेयर आम्दानी भने स्थिर छ । तेस्रो त्रैमाशिक अवधिमा यस्तो आम्दानी १६ रुपैयाँ छ । चुक्ता पूँजी १६ अर्ब १२ करोड रुपैयाँ रहेको बैंकको जगेडा कोषमा तीन अर्ब ६८ करोड रुपैयाँ जम्मा भएको छ । समिक्षा अवधिमा बैंकले खराव कर्जा १.३१ प्रतिशतबाट ०.७२ प्रतिशतमा झारेको छ ।
दोस्रो त्रैमाशिक अवधिमा एक खर्ब ४७ अर्ब रुपैयाँ निक्षेप संकलन गरी एक खर्ब ४७ अर्ब रुपैयाँ नै कर्जा लगानी गरेको छ । वितरणयोग्य मुनाफा भने ९६ करोड १७ लाख रुपैयाँ छ ।
