काठमाडौं । प्रभु लाइफ इन्स्योरेन्स लिमिटेडको लाभांश परिमार्जन भएको छ । कम्पनीले आर्थिक वर्ष २०७७/७८ को मुनाफाबाट शेयरधनीहरुलाई वितरण गर्ने घोषणा गरेको लाभांश संशोधन गरेको हो ।
कम्पनीले अब ९ दशमलव ८ प्रतिशतका दरले बोनश शेयर र कर प्रयोजनका लागि ० दशमलव ५१५८ प्रतिशत नगद लाभांश वितरण गर्ने भएको हो । यस अघि कम्पनीको बैशाख २५ गते बसेको सञ्चालक समितिको बैठकले हाल कायम चुक्ता पूँजीको १० दशमलव ५२६ प्रतिशतका दरले बोनश शेयर तथा कर प्रयोजनका लागि ० दशमलव ५२६ प्रतिशत नगद लाभांश वितरण गर्ने निर्णय गरी स्वीकृतीका लागि नेपाल बीमा प्राधिकरणमा पठाएको थियो।
तर नेपाल बीमा प्राधिकरणले बैशाख २९ गते कम्पनीको वित्तीय विवरण परिमार्जन गरि लाभांश संशोधन गरी पठाएकोमा कम्पनीले सोही अनुसार परिमार्जन गरेको बताएको छ ।
1684295970970
