काठमाडौं । नेपाल फाइनान्स लिमिटेडको हकप्रद शेयर सुरक्षित गर्ने आज अन्तिम दिन रहेको छ । कम्पनीले ७० प्रतिशत हकप्रद शेयर निष्काशन प्रयोजनका लागि बैशाख २१ गते एक दिन बुक क्लोज गर्ने भएको छ । बुक क्लोजको आधारमा बैशाख २० गतेसम्म कायम शेयरधनीहरुले कम्पनीको हकप्रद शेयर खरीदका लागि आवेदन दिन सक्ने भएता पनि बैशाख २० गते ईदको सार्वजनिक विदा भई शेयर कारोबार नहुने भएकोले आज अन्तिम दिन रहेको हो ।
कम्पनीले १० बराबर ७ को अनुपातमा प्रतिशेयर १ सय रुपैयाँ अंकित दरको ३४ करोड ५४ लाख ४७ हजार ४२८ बराबरको ३४ लाख ५४ हजार ४७४ दशमलव २८ कित्ता हकप्रद शेयर निष्काशन गर्न लागेको हो । नेपाल धितोपत्र बोर्डले कम्पनीलाई उक्त बराबरको हकप्रद निष्काशनका लागि गत चैत ८ गते स्वीकृति दिएको हो ।
