काठमाडौं। जीवन बीमा कम्पनीहरुले चालु आर्थिक वर्ष २०८०।८१ को तेस्रो त्रैमासको वित्तीय विवरण सार्वजनिक गर्न सुरु गरेका छन्। जीवन बीमकमध्ये दुईवटा कम्पनीले वित्तीय प्रतिवेदन सार्वजनिक गरेका छन्। सूर्यज्योति लाइफ र आईएमई लाइफले वित्तीय प्रतिवेदन पारित गर्दा दुवै कम्पनीको नाफा र व्यापार वृद्धि भएको छ।
सूर्यज्योति लाइफको नाफा करिब ३४ प्रतिशत वृद्धि हुँदै २९ करोड ५४ लाख रुपैयाँ पुगेको छ भने आईएमई लाइफको नाफा करिब ७६ प्रतिशतले वृद्धि हुँदै ३३ करोड १५ लाख रुपैयाँ पुगेको छ।
त्यस्तै व्यवसायको कुरा गर्दा गत आर्थिक वर्षको तेस्रो त्रैमासको तुलनामा चालु आर्थिक वर्षको तेस्रो त्रैमासमा सूर्यज्योति लाइफको खुद बीमाशुल्क आर्जन करिब ३९ प्रतिशतले वृद्धि हुँदै ६ अर्ब ३७ करोड रुपैयाँ पुगेको छ भने आईएमई लाइफको खुद बीमाशुल्क आर्जन करिब ८ प्रतिशतले वृद्धि हुँदै ३ अर्ब ११ करोड रुपैयाँ पुगेको छ।
