काठमाडौं । आज शुक्रबार सुनको मुल्यले फेरि नयाँ रेकर्ड कायम गरेको छ । पछिल्ला दिनमा लगातार बढेको सुन हालसम्मकै उच्च बिन्दुमा पुगेको हो । बिहिबार प्रतितोला १ लाख १३ हजार ७ सय रुपैयाँमा कारोबार भएको छापावाल सुनको मुल्य आज तोलामा १८ सय रुपैयाँले बढेर १ लाख १५ हजार ५ सय रुपैयाँमा कारोबार भएको छ । यो हालसम्म कै उच्च मूल्य हो ।
त्यस्तै तेजावी सुनको मुल्य पनि आज तोलामा १८ सय रुपैयाँले बढेर १ लाख १४ हजार ९ सय ५० रुपैयाँमा कारोबार भएको छ । चाँदीको मुल्य तोलामा ५ रुपैयाँले बढेर प्रतितोला १ हजार ४ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
