काठमाडौं । भारतको दिल्लीस्थित जन्तरमन्तरमा प्रदर्शन गरिरहेका कक्रोच जनता पार्टी (सीजेपी)का प्रदर्शनकारीहरुका बारेमा महत्वपूर्ण जानकारी बाहिर आएको छ।
एउटा अंग्रेजी पत्रिकाको रिपोर्टअनुसार सीजेपीसँग प्रदर्शन गरिरहेका केही प्रदर्शनकारीले इन्टरनेट बिना म्यासेज पठाउन र प्राप्त गर्न सकिने एप प्रयोग गरिरहेको पाइएको छ। दिल्ली प्रहरीले प्रदर्शनकारीहरुले प्रयोग गरिरहेको शंकास्पद एप पत्ता लगाएको संकेत पनि रिपोर्टमा गरिएको छ।
यो ब्लुटुथमा आधारित सञ्चार एप हो। जुन इन्टरनेट जडान बिना काम गर्दछ। यद्यपि, दिल्ली प्रहरीले त्यो विशेष एपको नाम पुष्टि गरेको छैन।
यो एपले अहिले धेरै मानिसको ध्यान खिचेको छ। यसका लागि मोबाइल डाटा, वाइफाइ वा सेलुलर नेटवर्क आवश्यक पर्दैन।
ह्वाट्सएप, टेलिग्राम र सिग्नलजस्ता म्यासेजिङ एपले मोबाइल डाटा वा वाइफाइ प्रयोग गर्छन्। अफलाइन म्यासेजिङ एपहरुले ब्लुटुथ कम ऊर्जा प्रयोग गर्छन्। जुन सबै आधुनिक स्मार्टफोनहरुमा पाइने वायरलेस प्रविधि हो।
यस्तो एउटा प्रसिद्ध एप बिटच्याट हो। जसले अफलाइन म्यासेज प्रदान गर्दछ। यो एप सन् २०२५ मा ट्विटरका संस्थापक ज्याक डोर्सीले विकास गरेका थिए। –एजेन्सी
