ओम डेभलपमेन्ट बैंकले साउन २७ गते १२ औं वार्षिक साधारण सभा हुने भएको छ । साउन ३ गते बसेको बैंकको संचालक समितिको बैंठकको निर्णय अनुसार साधारण सभाको मिति तय गरेको हो । साधारण सभा होटल पोखरा ग्रान्ड, घरीपाटन पोखरामा बिहान ९ बजे सुरु हुनेछ ।
ओमले एनएमबि बैंकसँग मर्जरमा जाने विशेष प्रस्ताव सभामा पेश गर्नेछ । यस्तै, सम्पति तथा दायित्व मूल्यांकन प्रतिवेदनका आधारमा तय भएको सेयर स्वाप रेसियो पारित गर्ने प्रस्ताव पनि रहेको छ ।
ओम र एनएमबिले जेठ २ गते मर्जर सम्बन्धी सम्झौतापत्रमा हस्ताक्षर गरेका थिए । साथै, यी दुर्व बैंकलाई मर्जरमा जान राष्ट्र बैंकले सैद्धान्तिम सहमति प्रदान गरिसकेको छ । केन्द्रीय बैंकले असार ८ गते पत्र पठाएर सैद्धान्तिक सहमति दिएको थियो ।
मर्जरपछि बन्ने बैंकको नाम एनएमबि बैंक नै रहने छ । मर्जर प्रक्रियामा रहेका कारण हाल यी दुवै बैंकको सेयर कारोबार रोक्का रहेको छ ।
