काठमाडौं । नेपाल लाइफ इन्स्योरेन्स कम्पनीले पौने ३४ करोड रुपैयाँ बढीको जग्गा किनेको छ।
कम्पनीले पर्सा जिल्लाको वीरगन्ज महानगरपालिका वडा नं. ४ मा होटल मकालुको नाममा रहेको जग्गा किनेको हो। जसअनुसार कम्पनी २४, ६५, ६९, ७५, ७७, १४२ र १८४ कित्तामा रहेको ८७.५३ धुर जग्गा किनेको छ।
यो जग्गाको मूल्य ३२ करोड रुपैयाँ र रजिस्ट्रेसन तथा नामसारी सेवाशुल्कबापत १ करोड ७७ लाख ५० हजार गरी कुल ३३ करोड ७७ लाख ५० हजार रुपैयाँ कम्पनीले खर्च गरेको छ।
कम्पनीलो यो जग्गा व्यावसायिक तथा कार्यालय प्रयोजनका लागि खरिद गरेको प्रमुख कार्यकारी अधिकृत प्रवीणरमण पराजुलीले जनाएका छन्।
