काठमाडौं । सानिमा रिलायन्स लाइफ इन्स्योरेन्सले कोशी प्रदेशका अभिकर्ता र कर्मचारीहरुलाई गुराँको राजधानी भ्रमण गराएको छ । कम्पनीले बैशाख १२ र १३ गते तिनजुरे, मिल्के जलजले क्षेत्रमा आफ्ना कर्मचारी र अभिकर्तालाई भ्रमण गराएको हो । भ्रमणमा ४५ जनाको समुह थियो ।
यस क्षेत्रमा अवस्थित पाथिभराको मन्दिर, आर.आर. गार्डेन, चोलुङ पार्क, टुटे देउराली लगायतको भ्रमण गरेको बताइउको छ । ३२ प्रजातीका गुराँस मध्ये २९ प्रजातीको गुराँसको अवलोकन गरेको समेत बताइएको छ ।
दुई दिने भ्रमणको आयोजनाले गुराँस प्रतिको मोह बढी पर्यटन प्रवर्धनमा सहयोग पुगेको कम्पनीका कोशी प्रदेश प्रमुख कर्मराज पौडेलले बताए । कोशी प्रदेशको विभिन्न पर्यटकीय क्षेत्रहरुको भ्रमण गराउने योजना भइरहेको प्रदेश प्रमुख पौडेलको भनाई छ ।
बीमाको काम गर्दा गर्दै थाकेको र तराईको गर्मीले सताइरहेको बेला कम्पनीले दुइ दिने भ्रमण राखेर फ्रेस बनाएको झापाकी इन्दु सुवेदीले बताइन् । तिनजुरे क्षेत्रमा चिसो हावा चलेको थियो, चर्को गर्मीलाइृ छल्न तिनजुरे पुगेका अभिकर्ता र कर्मचारीहरु धेरै खुशी भएको बताएका छन् ।
