इस्योरेन्स खवर/काठमाडौंः लाइफ इन्स्योरेन्स कर्पोरेशन नेपालले आर्थिक वर्ष २०७४÷७५ को तेस्रो त्रैमासिक वित्तीय विवरण सार्वजनिक गरेको छ । यस अवधिमा कम्पनीको मौज्दात, आम्दानी तथा तरलताको अवस्था सन्तोषजनक रहेको छ । कम्पनीले तेस्रो त्रैमासिक अवधिमा खुद नाफा करिव १० करोड कमाएको छ । साथै जीवन बीमा कोषमा ४० अर्व ५८ करोड रुपैयाँ राखेको छ ।
कम्पनीले अगामी अवधिभित्र आफ्नो ग्राहकलाई अझ् बढि सेवा प्रदान गर्ने उद्देश्यले देशका विभिन्न स्थानहरुमा शाखा विस्तार गर्ने तथा आफ्ना अभिकर्ताहरु प्रशिक्षित गर्दै व्यवसाय वृद्धि गर्ने लक्ष्य लिएको छ ।
खुद मुनाफा
सार्वजनिक विवरण अनुसार कम्पनीले यो अवधिमा ९ करोड ९८ लाख रुपैयाँ भन्दाबढि खुद मुनाफा कमाएको छ । अघिल्लो आर्थिक वर्षको सोही अवधिमा ४ करोड ९८ लाख रुपैयाँ भन्दाबढि खुद नाफा कमाएको थियो । गत वर्षको तुलनामा खुद नाफा शत प्रतिशतले वृद्धि भएको हो ।
चुक्ता पुँजी तथा कोष
एक अर्ब ६ करोडबाट बढाएर एक अर्व ३३ करोड ४६ लाख रुपैयाँ चुक्ता पँजी पुर्याएको यस कम्पनीको जगेडा तथा कोषमा ३६ करोड १२ लाख रुपैयाँ राखेको छ । त्यस्तै जीवन बीमा कोष अन्तर्गत ४० अर्व ५८ करोड ४९ लाख रुपैयाँभन्दा बढि सञ्चित गरेको देखिन्छ ।
बीमा शुल्क आर्जन
समिक्षा अवधिमा कम्पनीले खुद बीमा शुल्क ६ अर्ब ९५ करोड ३६ लाख रुपैयाँभन्दा बढि आर्जन गरेको यस कम्पनीको कुल बीमा शुल्क आर्जन भने ६ अर्व ९९ करोड २० रुपैयाँ रहेको छ । हालसम्म कम्पनीले ७ लाख ७ हजार १ सय ८७ बीमालेख जारी गरेको छ ।
दाबी भुक्तानी रकम
कुल दाबी भु्क्तानी रकम १ अर्व ६६ करोड ६८ लाख रुपैयाँ रहेको यस कम्पनीको भुक्तान हुन बाँकी रकम ३ करोड १७ लाख रुपैयाँ देखिएको छ ।
वित्तीय अनुपातहरुः
कम्पनीको प्रतिशेयर आम्दानी ७ रुपैयाँ ४८ पैसा, प्रतिशयेर नेटवर्थ १ सय ३४ रुपैयाँ ५८ पैसा रहेको छ । त्यस्तै प्रतिशेयर कुल सम्पत्तिको मुल्य ३ हजार ३ सय १२ रुपैयाँ छ । मुल्य आम्दानी अनुपात २ सय १३ गुणा भएको यस कम्पनीको तरलता भने छैन ।
