काठमाडौं । पछिल्लो समय विभिन्न पर्व, पास्नी तथा जन्मदिनमा बीमा पोलिसी उपहार दिने प्रचलन बढेको छ । यसैबीच मकवानपुर निवासी विपिन दाहालले आफ्नी छोरीको पास्नीमा बीमा पोलिसी दिएका छन् । उनले नेशनल लाइफ इन्स्योरेन्स कम्पनी लिमिटेड हेटौंडा शाखा मार्फत बीमाङ्क रकम २० लाख बराबरको बीमा पोलिसी छोरीलाई हस्तान्तरण गरेका हुन्।
सो पोलिसी नेशनल लाइफका हेटौंडा शाखा प्रमुख नारायण कार्की र एडीआरटी भूमिनन्द गौतमको संयुक्त उपस्थितिमा एक कार्यक्रमको आयोजना गरी हस्तान्तरण गरिएको हो ।
विगत लामो समयदेखि रोजगारीको सिलसिलामा जापान बस्दै आएका विपिन दाहालले आफ्नो छोरीको पास्नीमा छोरीलाई उपहार स्वरुप जीवन बीमा पोलिसी दिन पाउँदा आफूलाई एकदमै गौरव ठानेको बताए ।
