इन्स्योरेन्स खवर/काठमाडौंः सरकारी स्वामित्वको राष्ट्रिय बीमा संस्थानले चालु आर्थिक तेश्रो त्रैमासमा १ करोड ४७ लाख रुपैयाँ खुद नाफा कमाएको छ । जुन गतवर्षको सोही अवधिको तुलनामा १२२ दशमलव ७२ प्रतिशतले बढी हो । गतवर्षको सो अवधिमा कम्पनीले ६६ लाख १० हजार रुपैयाँ खुद मुनाफा कमाएको थियो ।
१८ करोड १० लाख रुपैयाँ चुक्ता पूँजी भएको कम्पनीले जगेडा तथा कोषमा १६करोेड ४७ लाख रुपैयाँ र जीवन बीमा कोषमा १४ अर्ब ०३ करोड ९६ लाख रुपैयाँ राखेको छ । कम्पनीले जीवन बीमा कोष गतवर्षको सो अवधिको तुलनामा २५ प्रतिशतले बढाएको हो ।
समिक्षा अवधिमा कम्पनीले २ करोड ७७ लाख ६९ हजार रुपैयाँ आम्दानी गरेको छ भने १ करोड ३० लाख ६६ हजार रुपैयाँ खर्चेको छ । यो अवधिमा कम्पनीले २ अर्ब ३३ करोड ८२ लाख रुपैयाँ खुद बीमा शुल्क आर्जन गरेको छ । जुन अघिल्लो वर्षको तेस्रो त्रैमासिक अवधिको तुलनामा १७ दशमलव २० प्रतिशतले बढी हो । अघिल्लो आर्थिक वर्षको यसै अवधिमा कम्पनीले १ अर्ब ९९ करोड ४९ लाख रुपैयाँ आर्जन गरेको थियो ।
त्यसैगरी यो अवधिमा कम्पनीले २ अर्ब ६० करोड १७ लाख रुपैयाँ दाबी भुक्तानी गरेको छ । गत बर्षको यसैअवधिमा २ अर्ब ९३ करोड ३९ लाख रुपैयाँ दाबी भुक्तानी गरेको थियो ।
