इन्स्योरेन्स खवर/काठमाडौं: एशियन लाईफ इन्स्योरेन्सले शिलबन्दी बोलपत्रद्वारा सर्वसाधारण समूहको ९८ हजार २ सय ४६ दशमलव २० कित्ता शेयर लिलामीमा बिक्री हुने भएको छ ।
जेठ १० गतेदेखि विक्री हुने सो कित्ताको लागि शिलबन्दी बोलपत्र पेश गर्ने अन्तिम दिन जेठ १७ गते रहेको छ ।
यसअघि बीमा कम्पनीले हकप्रद शेयरको लागि २०७४ फागुन १३–२०७५ वैशाख ३ गतेसम्म बिक्री खुला गरी आवेदन माग गरेको थियो । सो अवधिमा उक्त कित्ताको लागि आवेदन नपरेकाले कम्पनीले सर्वसाधारण तर्फको शेयर लिलामीमा बिक्री गर्न लागेको जनाएको छ ।
बोलपत्र आवेदन फाराम पाइने र बुझाउने स्थानहरु भने श्री एनआइविएल एस क्यापिटल लि. लाजिम्पाट तथा शाखा कार्यालयहरु लालदरवार काठमाडौं त्यसैगरि श्री नेपाल इन्भेष्टमेन्ट बैंक लिमिटेड शाखा कार्यालयरु क्रमशः सुर्खेत, नेपालगञ्ज, नारायणगढ र धनगढी रहेको छ ।
बोलपत्र आवदेन फारामका लागि १०० रुपैया भुक्तानी गर्नुपर्ने छ । शेयरको न्युनतम मुल्य प्रतिशेयर रु १०० तोकिएकको हुँदा सो वा सोभन्दा बढि मुल्य अंकित गर्नुपर्ने, न्युनतम १०० कित्ताको लागि आवेदन दिनुपर्ने र शेयर संख्याको लागि कुनै हद नलाग्ने कम्पनीले जनाएको छ ।
