काठमाडौं । पछिल्लो समय बीमा उपहार दिने प्रचलन बढेको छ । विवाह ब्रतबन्ध, जन्मदिन लगायतका शुभ कार्यमा आफन्तलाई उपहार दिइने चलन वर्षौंदेखि चल्दै आएको छ । समय अनुसार उपहार पनि परिवर्तन हुँदै गएको छ । अहिले जीवनकै अमूल्य उपहारका रुपमा बीमा पोलिसी दिइने चलन बढ्दै गएको छ ।
यसैबीच आफ्नो श्रीमती कमला तामाङको शुभ जन्मदिनको अवसरमा श्रीमान चन्द्र बहादुर लामाले रिलायबल सुलब जीवन बीमा योजना उपहार दिएका हुन् ।
उक्त बीमालेख सिनियर एजेन्सी म्यानेजर सलाम सिङ तामाङ , बीमितको श्रीमान चन्द्र बहादुर लामा तथा अन्य पारिवारिक सदस्यको उपस्थितीमा सामान्य कार्यक्रमका बीच सो पोलिसी हस्तान्तरण गरिएको हो ।
श्रीमतीको जन्मदिनमा अन्य उपहार भन्दा बीमा पोलिसी उपहार उपयुक्त लागेर सुरक्षा साथै उज्वल भविष्यको लागी रिलायबल लाइफको बीमा पोलिसी उपहार दिएको श्रीमान चन्द्र बहादुर लामाले बताए ।
त्यसै गरि सिनियर एजेन्सी म्यानेजर सलाम सिङ तामाङले हाम्रो जीवन अमुल्य भएको र अमुल्य जीवनको हरेक पाइला पाइलामा जोखिम रहने भएकोले वर्तमान तथा भबिस्यको लागि जीवन बीमा अनिबार्य रहेको बताए ।
