इन्स्योरेन्स खबर/काठमाडौंः सानिमा लाईफ इन्स्योरेन्स कम्पनीले चालू आर्थिक वर्षको चैत मसान्तसम्ममा ६ करोड ८० लाख रुपैयाँ नाफा कमाएको छ । जुन अघिल्लो अघिल्लो त्रैमासको तुलनामा ८८ दशमलव ६० प्रतिशतले बढी हो ।
मङ्सिर २२ गतेदेखि कारोबार सञ्चालनमा आएको सानिमा लाइफ इन्स्योरेन्सको पुस मसान्तसम्ममा ३ करोड ६० लाख रुपैयाँ मुनाफा आर्जन गरेको थियो । कम्पनीले बीमा समितीबाट असोज ७ गते लाइसेन्स प्राप्त गरेको थियो ।
जीवन बीमा कोष र महाविपत्ती कोषमा रकम नछुट्याएको कम्पनीले समिक्षा अवधिमा २ करोड ४६ लाख ५५ हजार ८ सय ५३ खुद बीमाशुल्क आर्जन गरेको छ ।
अघिल्लो त्रैमासमा २५ बीमालेखबाट १६ लाख ३२ हजार ५ सय ४५ रुपैयाँ बीमा शुल्क आर्जन गरेको सानिमा लाईफले यो अवधिमा ६५९ बीमालेखबाट उक्त रकमको बीमा शुल्क आर्जन गरेको हो। बीमा शुल्क आर्जन अघिल्लो त्रैमासको तुलनामा १५ गुणा बढी हो ।
हाल कम्पनीको अधिकृत पूँजी ३ अर्ब, जारी पूँजी २ अर्ब र चुक्ता पूँजी एक अर्ब ४० करोड रुपैयाँ रहेको छ । जारी पूँजीको ३० प्रतिशत अर्थात ६० करोड रुपैयाँ निकट भविष्यमा सर्वसाधारणमा सेयर बिक्री गरी चुक्ता पुँजी २ अर्ब रुपैयाँ पुर्याउने कम्पनीले जनाएको छ ।
