काठमाडौं । नेपाल लाइफ इन्स्योरेन्सले २५ औँ वार्षिक साधारण सभाबाट पारित नगद लाभांश शेयरधनीको बैंक खातामा पठाएको छ। वीरगञ्जमा सोमबार सम्पन्न साधारण सभाले सञ्चालक समितिबाट प्रस्तावित आर्थिक वर्ष २०८०/८१ का लागि चुक्ता पूँजीको कुल २१.०५ प्रतिशत लाभांश स्वीकृत गरेको थियो।
कुल लाभांशमध्ये बोनश शेयर १० प्रतिशत र करसहित नगद लाभांश ११.०५ प्रतिशत रहेको छ। कम्पनीले आ.व. २०८०।८१ को वितरण योग्य मुनाफाबाट शेयरधनीहरुलाई कम्पनीको हाल कायम चुक्ता पूँजी रु. ८ अर्ब २० करोड ७९ लाख ६६ हजारको जम्मा २१.०५% ले हुन आउने रकम रु. १ अर्ब ७२ करोड ७९ लाख ९२ हजार शेयरधनीहरुलाई लाभांशको रुपमा वितरण गर्ने प्रस्ताव अनुमोदन गरेको थियो।
