काठमाडौं । सूर्यज्योति लाइफ इन्स्योरेन्स कम्पनी लिमिटेडले जीवन बीमा अभिकर्ताको आधारभूत तालिम सञ्चालन गर्ने भएको छ । कम्पनीले जीवन बीमा अभिकर्ता भई स्वरोजगार हुन इच्छुक व्यक्तिलाई मध्यनजर गर्दै तालिम सञ्चालन गर्न लागेको हो ।
कम्पनीले आर्थिक वर्ष २०८१/८२ को विभिन्न मितिमा तीन दिने जीवन बीमा अभिकर्ता तालिम सञ्चालन गर्ने जनाइएका छ । तालिममा सहभागि हुनका लागि न्यूनतम एसईई वा एसएलसी उत्तीर्ण गरेको हुनुपर्नेछ । यसका लागि तालिम शुरू हुनु एक हप्ता अगावै आवश्यक कागजात सहित कम्पनीको शाखा कार्यालयमा सम्पर्क राख्नुपर्नेछ ।
