काठमाडौं । सिटिजन लाइफ इन्स्योरेन्स कम्पनीले व्यतित बीमालेख नविकरण गर्दा विलम्बन शुल्कमा व्याज छुट दिने भएको छ । सो समय अब ३ दिन मात्रै रहेको कम्पनीको भनाई छ । यस कम्पनीबाट जारी भएका बीमालेखको नविकरण बीमाशुल्क भुक्तानी गर्नुपर्नेमा सो भुक्तानी नभई व्यतित भएका बीमालेखहरुमा लाग्ने विलम्ब शुल्क २०८१ जेठ १ गतेदेखि जेठ ३२ गतेसम्म छुट प्रदान गरिने कम्पनीले जनाएको छ ।
नविकरण बीमा शुल्क भुक्तानी गर्नुपर्ने अवधि यही जेठ १ गतेबाट जेठ ३२ गतेसम्म शतप्रतिशत छुट दिने जनाएको छ । यस छुट बीमा अवधिभरी एक पटक मात्र पाइने कम्पनीले जनाएको छ ।
सो अवधिसम्ममा नविकरण शुल्क भुक्तानी गरी आफ्नो आफ्नो बीमालेख सक्रिय अवस्थामा ल्याउन तथा थप जानकारीको लागि कम्पनीको शाखा उपशाखा तथा अभिकर्ताहरुसँग सम्पर्क गर्न आग्रह गरेको छ ।
