काठमाडौं । पछिल्लो समय जन्मदिन, विवाहउत्सव या अन्य यस्तै विशेष उत्सवमा दिइने उपहारको शैली परिवर्तन भएको छ । पछिल्लो समय आफ्ना आफन्तलाई जीवनको जोखिम बहन गर्ने बीमालेख उपहार दिने चलन बढेको छ । यसैबीच छोरीको जन्मदिनको अवसरमा सोलुदुधकुण्ड नगरपालिका–४ का लक्ष्मण घिमिरेले १० लाख बराबरको बीमालेख उपहार दिएका हुन् ।
फजुल खर्च गर्नुभन्दा पनि छोरीको बचत तथा सुरक्षाका दृष्टिकोणले जीवन बीमा गराएको घिमिरेको भनाई छ । उनले फजुल खर्च गर्नुभन्दा पनि जीवनको सुरक्षा तथा बचतको लागि सबैलाई जीवन बीमा गर्न समेत आग्रह गरे ।
अन्य उपहार भन्दा बीमा पोलिसी अत्यन्त उपयोगी हुने भएकाले ‘नेपाल लाइफ केटाकेटी सुनौलो भविष्य’ जीवन बीमालेख खरिद गरेर प्रदान गरिएको घिमिरेले बताए । हिजो मंगलवार साँझ नेपाल लाइफ इन्स्योरेन्स शाखा कार्यालय सोलुखुम्बुका प्रबन्धक प्रकाशबाबु कार्कीद्वारा बीमितलाई उक्त पोलिसी दिएको कम्पनीले जनाएको छ ।
