काठमाडौं । नेपाल स्टक एक्सचेञ्जमा आइएमई लाइफ इन्स्योरेन्सको शेयरमूल्य समायोजन भएको छ। कम्पनीले साधारण सभा तथा लाभांश वितरण प्रयोजनका लागि आज बुकक्लोज गरेसँगै नेप्सेले शेयरमूल्य समायोजन गरी नयाँ मूल्य निर्धारण गरेको हो।
नेप्सेले कम्पनीको २५ प्रतिशत बोनश शेयर पछि मुल्य समायोजन गरेको हो। समायोजनपश्चात कम्पनीको शेयरमूल्य ४४८ रुपैयाँ कायम भएको छ। नेप्सेले अघिल्लो कारोबार दिनको अन्तिम मूल्य प्रतिकित्ता ५६० रुपैयाँको आधारमा मुल्य समायोजन गरेको हो । यही समायोजित मूल्यलाई आधार मानेर आज दोस्रो बजारमा कम्पनीको शेयर कारोबार खुल्नेछ।
