काठमाडौं । नेशनल लाइफ इन्स्योरेन्सबाट तीन महिनाभित्रै तीनजना अभिकर्ता एमडीआरटी–२०२५ बन्न सफल भएका छन् । कम्पनीको विभिन्न शाखामा आबद्ध अभिकर्ता शशिकला तामाङ, नेत्रबहादुर राउत र विमल न्यौपानेले तीन महिनाभित्रै अभिकर्ताहरुको सर्वोच्च संस्था मिलियन डलर राउन्ड टेबल (एमडीआरटी)–२०२५ मा छनौट हुन सफल भएका हुन् ।
एमडीआरटी–२०२५ को लक्ष्य पूरा गर्न सफल अभिकर्ताहरुलाई कम्पनीले हार्दिक बधाइ तथा शुभकामना व्यक्त गरेको छ । एमडीआरटी–२०२५ को लक्ष्य पूरा गर्ने अभिकर्ताहरुले आगामी ९ महिनाभित्र कोर्ट अफ द टेबल (सीओटी) र टप अफ द टेबल (टीओटी) को लक्ष्यसमेत पूरा गर्ने गरी बीमा व्यवसायलाई अगाडि बढाउने धारणा व्यक्त गरेका थिए ।
एमडीआरटीमा तोकिएको प्रिमियमको ३ गुणा प्रिमियममा सीओटी र ६ गुणा प्रिमियममा टीओटी छनौट हुने प्रावधान छ ।
