काठमाडौं । एशियन लाइफ इन्स्योरेन्स कम्पनीको विराटनगर शाखाले २ लाख ५६ हजार ९२३ रुपैयाँ मृत्यु दाबी भुक्तानी गरेको छ । कम्पनीको उक्त शाखाले बीमितको परिवारलाई उक्त रकम बराबरको चेक हस्तान्तरण गरेको हो ।
दुहबी–१०, सुनसरी निवासी पशुपति सरबरियाको छोरा तथा यस कमपनीका बीमित प्रमेश सरबरियाको गत वर्षको माघ ११ गते १४ वर्षको उमेरमै असामयिक निधन भएको थियो । बीमितले एशियन लाइफमा सावधिक जीवन बीमा योजना २ लाख २३ हजार रुपैयाँको बीमा पोलिसी खरिद गरेका थिए ।
बीमितको निधनपछि कम्पनीले आवश्यक प्रक्रिया पुरा गरी बीमितको बुवा पशुपति सरबरियालाई माघ २४ गते विराटनगर शाखाका शाखा प्रबन्धक सरोज भण्डारीले उक्त रकम बराबरको चेक हस्तान्तरण गरेका हुन् ।
साथै उक्त कार्यक्रममा शाखाका शाखा प्रबन्धक सरोज भण्डारीले बीमाको महत्व र आवश्यकता बारे जानकारी गराउदै आजको दिनमा मानब जीबन अति नै जोखिमपूर्ण रहेकोले सुनौलो भबिस्य निश्चित गर्नको लागि बीमा अतिनै आवश्यक रहेको बताए ।
