काठमाडौं, वैशाख १४ ।नेपाल लाइफ इन्स्योरेन्स कम्पनी उपशाखा ताप्लेजुङले एक परिवारलाई मृत्यु दावी वापत १२ लाख ८१ हजार रुपैया प्रदान गरेको छ । कम्पनीले ताप्लेजुङ फुङलिङ नगरपालिका–४ का रामचन्द्र पराजुलीको परिवारलाई उक्त रकम प्रदान गरेको हो ।
स्वर्गिय पराजुलीकी पत्नी कविता खड्कालाई उपशाखा कार्यालय प्रमूख हिमाल राई सहित इन्स्योरेन्समा आवद्ध कर्मचारीको टोलीले मृत्यु दावी रकम प्रदान गरेको हो ।
स्वर्गिय पराजुलीले १ लाख ५१ हजारको १५ वर्षे ‘जीवन सारथी’ बीमा अन्तर्गत ६ पटक गरि ७४ हजार प्रिमियम बुझाउनुभएको थियो । त्यस्तै २० वर्षे ‘नौलो जीवन समृद्धी’ शिर्षकमा २ पटक गरि १ लाख ७७ हजार ७ सय ७४ रुपैयाँ मात्र प्रिमियम बुझाएको उपाशाखा कार्यालयले जनाएको छ ।
१ लाख ५१ हजार ‘जीवन सारथी’ र ‘नौलो जीवन समृद्धी’ १० लाख र २ वर्षको बोनस रकम १ लाख ३० हजार गरि दुई शिर्षक वापत उक्त रकम प्रदान गरेको नेपाल लाइफ इन्स्योरेन्स कम्पनी ताप्लेजुङ उपशाखा प्रमूख हिमाल राईले जानकारी दिनुभयो ।
स्वर्गिय पराजुलीले ‘जीवन सारथी’ र ‘नौलो जीवन समृद्धी’ शिर्षकमा गरि २ लाख ५१ हजार ७ सय ४४ रुपैयाँ मात्र प्रिमियम बुझाएका पराजुलीको निधन पश्चात परिवारले उक्त रकम प्राप्त गरेका हुन् ।
