काठमाडौं । पछिल्लो समय बीमा पोलिसीलाई उपहारको रुपमा दिने प्रचलन बढ्दो रुपमा भित्रिएको छ । बदलिदो समय अनुसार विभिन्न उत्सव, विवाह लगायतका पर्वहरुमा जिन्सी, सामान, गहना उपहार दिनुको सट्टा बीमा पोलिसी उपहार दिने प्रचलन बढ्दै आएको हो ।
यसैबीच काठमाडौंको टोखा नगरपालिकाका ४ भाईहरुले आफ्नो दिदीलाई तिहारमा बीमा पोलिसी उपहार स्वरुप हस्तान्तरण गरेका छन् । भाइहरुले उनको जीवन रक्षावरणको उदेश्यले बीमा पोलिसी उपहार दिएका हुन् । तिहारमा दिदी पबित्रा आचार्यलाई भाईहरु राम प्रसाद आचार्य, हरि आचार्य, उमेश आचार्य र पेशल आचार्यले सूर्यज्योति लाइफ इन्स्योरेन्सबाट ५ लाख बीमाङकको बीमा पोलिसी उपहार दिएका हुन् ।
