काठमाडौं । लाइफ इन्स्योरेन्स कर्पोरेशन (नेपाल) लिमिटेडले मंसिर १८ गते आफ्नो २१औं वार्षिक साधारण सभा गर्ने भएको छ । कम्पनीको कात्तिक १४ गते बसेको सञ्चालक समितिको बैठकले उक्त सभाको मिति तय गरेको हो । उक्त सभा नेपाल प्रशासनिक प्रशिक्षण प्रतिष्ठान, जावलाखेल, ललितपुरमा विहान ११ बजेर १५ मिनेटमा गर्ने जनाएको छ ।
यस वर्ष पनि कम्पनीले लाभांश प्रस्ताव गरेको छैन् । सभाले सभाले अध्यक्षद्धारा संचालक समितिको वार्षिक प्रतिवेदन २०७८ /७९ प्रस्तुत गरी अनुमोदन गर्नेछ ।
सभाले खेखापरिक्षकको प्रतिवेदन सहित २०७९ असार मसान्तसम्मको वासलात, आथिृक वर्ष २०७८ /७९ को नाफा नोक्सान हिसाव तथा नगद प्रवाह विवरणमाथि छलफल गरी पारित गर्नेछ । सभाले लेखा परीक्षक समितिको सिफारिसमा आर्थिक वर्ष २०७९ /८० को लागि लेखापरिक्षक नियुक्त गर्ने, निजको पारिश्रमिक निर्धारण गर्ने लगायतका विविध प्रस्ताव पारित हुनेछ ।
साधारण सभा प्रयोजनका लागि कम्पनीले मंसिर ११ गते एक दिन बुक क्लोज गर्ने भएको छ । बुक क्लोजको आधारमा मंसिर१० गतेसम्म कायम शेयरधनीहरू मात्र सभामा भाग लिन सक्नेछन् ।
