काठमाडौं । सन नेपाल लाइफ इन्स्योरेन्स कम्पनी स्थापनाको छैठौं वार्षिकोत्सव तथा सामाजिक सेवा दिवसको उपलक्ष्यमा वागमति प्रदेश कार्यालय अन्तर्गत रहेका काठमाडौं उपत्यका भित्रका ९ वटा शाखा कार्यालयहरुले संयुक्त रुपमा काठमाडौं ३१ शान्तिनगर स्थित निःसहाय सदन जेष्ठ नागरिक आवास गृहमा रहेका ४१ जना जेष्ठ नागरिकहरुलाई न्यानो कपडा र फलफुल प्रदान गरी सम्मान गरेका छन् ।
उक्त कार्यक्रममा कम्पनीका वागमति प्रदेश प्रमुख चुडामणि सुवेदी सहित सबै शाखाका प्रमुखहहरु, अभिकर्ता, मार्केटिङ म्यानेजरहरु तथा कर्मचारीहरुको उपस्थिति रहेको थियो । सो अवसरमा ९२ वर्षिय जेष्ठ नागरिक खडानन्द सापकोटाबाट केक काटी सम्पूर्ण सम्मानित जेष्ठ नागरिक तथा उपस्थित सबैले खुसीयाली मनाइएको थियो ।
कार्यक्रममा वागमति प्रदेश प्रमुख चुडामणि सुवेदीले कम्पनीका बीमित, अभिकर्ता, कर्मचारी, लगानीकर्ता, शुभचिन्तक लगायत सम्पूर्ण सरोकारवालाहरुको मेहनत, विश्वास, धैर्यता र शुभेच्छाका कारण कम्पनी एक नेतृत्वदायी कम्पनीको रुपमा अगाडी बढ्न सफल भएकोमा सबैप्रति हार्दिक धन्यवाद र वधाई ज्ञापन गर्दै सम्मानित जेष्ठ नागरिककहहरु प्रति सुस्वास्थ्य र दीर्घायूको कामना व्यक्त गरे ।
निःसहाय सदन जेष्ठ नागरिक आवास गृहका संचालिका पुनम बस्नेतले कम्पनीको सहयोग र सद्भाव प्रति धन्यवाद ज्ञापन गर्दै कम्पनीको उत्तरोत्तर प्रगतिको कामना व्यक्त गरिन् ।
