काठमाडौं । सूर्यज्योति लाइफ इन्स्योरेन्सको नारायणगढ शाखाले आर्थिक वर्ष २०७९/ ८० मा उत्कृष्ट कारोबार गर्ने एजेन्सी म्यानेजरहरुलाई सम्मान गरेको छ । नारायणी रिजनका रिजनल म्यानेजर ईश्वर विकल सापकोटाको उपस्थितिमा भव्य कार्यक्रमका बिच सम्मान गरिएको हो ।
कार्यक्रममा सेल्फ कोडमा सर्वाधिक व्यापार गरि प्रथम हुने दिपक टन्डन, दोस्रो हुने रमेश खनाल, तेस्रो हुने सरिता कोईरालालाई शिल्ड एवम् मेडल दिई सम्मान गरिएको कार्यक्रम संयोजक हेमराज रिमालले बताए ।
कार्यक्रममा टिम बिजनेस तर्फ सर्वाधिक कारोबार गरि प्रथम हुने रमेश खनाल, दोस्रो हुने सरिता कोईराला, तेस्रो हुने दिपक टन्डनलाई सम्मान गरिएको छ । साथै स्टार एजेन्सी बन्न सफल शोभा बस्ताकोटी, सुनिल पौडेल, कृष्ण कुमारी महतो, सिर्जना थापा, शान्ति पौडेल, प्रेम ढकाल, स्मृती ढकाल, मणिलाल कुँवरलाई सम्मान गरिएको कार्यक्रम संयोजक रिमालले बताए ।
उक्त कार्यक्रममा आर्थिक वर्ष २०७९ /८० मा सर्वाधिक कारोबार गर्ने एजेन्सी म्यानेजरहरुलाई रिजनल म्यानेजर ईश्वर विकल सापकोटाले सम्मान गर्नुका साथै उत्प्रेरणात्मक तालिम प्रदान समेत गरेका थिए ।
सूर्या लाइफ र ज्योति लाइफको सफल मर्जर पश्चात बनेको ISO 9001:2015 बाट सम्मानित सुर्यज्योति लाईफ इन्स्योरेन्स कम्पनी लिमिटेडको हाल चु्क्ता पूँजी रु। ४ अर्ब ५४ करोड रहेको छ भने देशभर १८१ शाखा कार्यालयहरुबाट बीमा सेवा प्रदान गर्दै आएको छ ।
