काठमाडौं । बैंक तथा वित्तीय संस्थाको निष्क्रिय कर्जामा बृद्धि भएको छ । आज सरकारले आर्थिक वर्ष २०७९/८० को आर्थिक सर्वेक्षण प्रस्तुत गर्दै यस्तो जनाएको हो । बैंक तथा वित्तीय संस्थाको निष्क्रिय कर्जाको अनुपात २०७८ पुसमा १ दशमलव ३१ प्रतिशत रहेकामा २०७९ पुसमा २ दशमलव ६३ प्रतिशतमा रहेको छ । आर्थिक वर्ष २०७९ /८०को फागुनसम्म १ लाख ४८ हजार ४ सय ५४ ऋणीलाई सहुलियतपूर्ण कर्जा प्रवाह भई २ खर्ब ८ अर्ब ९६ करोड कर्जा लगानी रहेको छ ।