काठमाडौं । नेपाल स्टक एक्सचेञ्जले नेशनल लाइफ इन्स्योरेन्स र प्रभु लाइफ इन्स्योरेन्स कम्पनीको बोनश शेयरपछिको मुल्य समायोजन गरेको छ । यी दुई कम्पनीले साधारण सभा तथा लाभांश प्रयोजनका लागि बुक क्लोज गरेसँगै नेप्सेले यी दुई कम्पनीको शेयर मुल्य समायोजन गरेको हो ।
आज जेठ १० गते अन्तिम कारोबार मुल्य को आधारमा यी दुबै कम्पनीको मुल्य निर्धारण भएको हो । नेशनल लाइफको आजको अन्तिम कारोबार शेयर मूल्य ६४९ रुपैयाँ ८० पैसाको आधारमा ८ प्रतिशत बोनश शेयर वितरणपछिको शेयर मूल्य ६०१ रुपैयाँ ६७ पैसा कायम गरेको हो । त्यस्तै, प्रभु लाइफको आज अन्तिम कारोबार मुल्य ४७० रुपैयाँको आधारमा ९ दशमलव ८० प्रतिशत बोनश शेयर वितरणपछिको शेयर मूल्य ४२८ रुपैयाँ ५ पैसा कायम गरेको छ ।
अब यही मुल्यको आधारमा यी दुबै कम्पनीको आइतबार शेयर कारोबार खुला हुनेछ ।
