काठमाडौं । गरिमा विकास बैंक लिमिटेडले संस्थापक समूहतर्फको शेयर सर्वसाधारणले खरीद गर्न पाउने गरी विक्री खुला गरेको छ । बैंकका केही संस्थापक शेयरधनीहरूले आफ्नो नाममा रहेको ८ लाख ४९ हजार १९६ दशमलव ७७ कित्ता शेयर विक्रीका लागि निवेदन दिएबमोजिम कम्पनीले विक्री गर्न लागेको हो ।
बैंकले यसअघि संस्थापक शेयरधनीहरूकै लागि विक्री गर्नका लागि ३५ दिने सूचना आह्वान गर्दा सो समयभित्र कुनै पनि आवेदन नपरेकोले बैंकले अन्य व्यक्ति तथा संस्थाहरूको लागि उक्त शेयर विक्री खुला गरेको हो ।
उक्त शेयर खरीद गर्न चाहने ईच्छुक व्यक्ति तथा संस्थाले १५ दिनभित्र कम्पनीको केन्द्रीय कार्यालय लाजिम्पाट, काठमाडौंमा के कति कित्ता शेयर लिने हो सम्पूर्ण व्यहोरो खुलाई निवेदन दिन बैंकले भनेको छ ।
