काठमाडौं । नबिल बैंकले संस्थापक शेयर विक्री गर्ने भएको छ । बैंकले केही संस्थापक शेयरधनीको नाममा रहेको ५० हजार कित्ता संस्थापक शेयर विक्री गर्न लागेको हो ।
उक्त संस्थापक शेयर खरीद गर्न इच्छुक हाल कायम संस्थाका संस्थापक शेयरधनीहरुले सूचना प्रकाशित भएको मितिबाट ३५ दिनभित्र बैंकको केन्द्रिय कार्यालय तिनधारा, विणामार्ग, काठमाडौं स्थित कम्पनी सचिवको कार्यालयमा निवेदन दिनुपर्नेछ ।
संस्थापक शेयरको न्युनतम मूल्य प्रतिकित्ता ४८० रुपैयाँ रहेको छ । उक्त समयमा कुनै निवेदन नआएमा प्रचलित कानून बमोजिम सर्वसाधारणलाई विक्री गरिने बैंकले जनाएको छ ।
