काठमाडौं । काठमाडौं । नारायणी डेभलपमेन्ट बैंकले हकप्रद शेयर निष्काशन गर्न ग्लोबल आइएमई क्यापिटललाई निष्काशन तथा बिक्रि प्रबन्धकमा नियुक्त गरेको छ । बैंकले आफ्ना शेयरधनीहरुलाई प्रति कित्ता अंकित मुल्य १०० का दरले २६ लाख २४ हजार ६७६ कित्ता हकप्रद शेयर निष्काशन गर्नक लागेको हो । सो सम्बन्धमा डेभलपमेन्ट बैंक र क्यापिटलबीच हकप्रद शेयर निष्कासन सम्बन्धी सम्झौता सम्पन्न भएको हो ।
साउन ३० गते ग्लोबल आइएमई क्यापिटलको रजिष्टर्ड कार्यालय नक्सालमा आयोजित एक कार्यक्रममा नारायणी डेभलपमेन्ट बैंकको तर्फबाट प्रमुख कार्यकारी अधिकृत पशुपति पौडेल र ग्लोबल आइएमई क्यापिटलको तर्फबाट प्रमुख कार्यकारी अधिकृत पारस मणी ढकालले सम्झौतापत्रमा हस्ताक्षर गरेका हुन् ।
चितवन जिल्लाको रत्ननगर न.पा. टाँडी, बकुलरमा केन्द्रीय कार्यालय रहेकोे नेपाल राष्ट्र बैंकबाट ईजाजतपत्र प्राप्त “ख” वर्गको १–३ जिल्लास्तर (नवलपरासी, चितवन र मकवानपुर) कार्यक्षेत्र रहेको छ । यस डेभलपमेन्ट बैंकको अधिकृत पुँजी ५३ करोड र जारी पुँजी २६ करोड २४ लाख ६७ हजार ६ सय रहेको छ । हाल यस डेभलपमेन्ट बैंकका ५ वटा शाखा कार्यालयहरु सञ्चालनमा रहेका छन् ।
