काठमाडौं । यस रेमिट प्रा.लिको इजाजतपत्र रद्ध हुने भएको छ । कम्पनीले इजाजतपत्र रद्ध गरी पाउँ भनि नेपाल राष्ट्र बैंकको विदेशी विनिमय व्यवस्थापन विभागमा परेको निवेदन अनुसार इजाजत पत्र रद्ध हुने भएको हो ।
कम्पनीले विदेशी मुद्रा कारोबार गर्ने क्रममा कुनै व्यक्ति वा संघ संस्थासँग लेनदेन रकम बाँकी भएका सूचना जारी भएको ३५ दिनभित्र विभागमा लिखित रुपमा जानकारी दिन समेत आग्रह गरेको छ । कम्पनीको इजाजत पत्र रद्ध भएपश्चात बैंक ग्यारेन्टी समेत फुकुवा हुने विभागले जनाएको छ ।
