काठमाडौं । सिटिजन लाइफ इन्स्योरेन्सकी अभिकर्ता आस्था केसी १८ वर्षकै उमेरमा एमडिआरटीमा छनोट भएकी छिन् । कम्पनीको भैरहवा शाखाकी एजेन्सी म्यानेजर आस्था एमडिआरटी २०२३’ को लागि छानिएकी हुन् । अध्ययनको क्रममा रहेकी आस्थाले छोटो समयमै आफ्नो व्यवसायीक लक्ष्य हासिल गरेकी हुन् ।
अभिकर्ताहरुको लागी सम्मानको रुपमा हेरिने मिलियन डलर राउण्ड टेबल, एमडिआरटिलाई प्रतिष्ठाको रुपमा लिईन्छ । १९२७ मा स्थापित संस्थाको मुख्य कार्यलय अमेरिकामा छ । बिश्वभरीका पेसेबर अभिकर्ताहरुले बर्षभरी बीमा व्यवसायबापत बीमा शुल्क तथा आर्जित कमिसनको आधारमा एमडीआरटि छनौट हुन्छ । छनौट पश्चात अन्तराष्ट्रिय मञ्चमा नेपाल प्रतिनिधि भई उपस्थित हुन पाईने भएकाले पनि थप उत्साह बढेको पाईन्छ ।
