काठमाडौं । नेपाल इन्भेष्टमेन्ट बैंकको मुनाफा १४.८३ प्रतिशलते बृद्धि भएको छ । कम्पनीले गत आर्थिक वर्ष २०७८/७९ मा ४ अर्ब ८ करोड रुपैयाँ खुद मुनाफा आर्जन गर्दा वितरण योग्य मुनाफा भने २ अर्ब तीन करोड रुपैयाँ मात्रै छ ।
बैंकले समिक्षा अवधिमा निक्षेप संकलन ५.८६ प्रतिशतले विस्तार गरि एक खर्ब ८४ अर्ब रुपैयाँ संकलन गरेको छ । त्यस्तै कर्जा विस्तार भने एकदमै न्युन छ । बैंकले यस अवधिमा एक खर्ब ५७ अर्ब रुपैयाँ निक्षेप संकलन गरेको छ ।
निक्षेप संकलन तथा कर्जा लगानीबाट बैंकले खुद व्याज आम्दानी ६.३७ प्रतिशलते सुधार गरेको छ । यस अवधिमा बैंकले ५ खर्ब ९४ अर्ब रुपैयाँ आर्जन गरेको छ । बैंकको चुक्ता पूँझी १८ अर्ब ३० करोड रुपैयाँ रहेको छ भने जगेडा कोषमा १५ अर्ब ९६ करोड रुपैयाँ जम्मा भएको छ ।
समिक्षा अवधिमा बैंकको पूँजीकोष अनुपात १५.९९ प्रतिशत रहेको छ भने खराव कर्जा २.४६ प्रतिशतबाट घटेर १.४७ प्रतिशतमा झार्न सफल भएको छ ।
प्रतिशेयर आम्दानी २२ रुपैयाँ रहेको बैंकको प्रतिशेयर नेटवर्थ १८७ रुपैयाँ छ । सिडी रेसियो ८५.१४ प्रतिशत रहेको छ । यस वर्ष बैंकले खराव कर्जा सल्टाएर नाफामा समान्य सुधार गरेको छ ।
बैंकको प्रतिशेयर आम्दानी २२ रुपैयाँ भए पनि वितरण योग्य मुनाफा २ अर्ब तीन करोड रुपैयाँ मात्रै छ । साथै बैंकको जगेडा कोषमा १४ अर्ब रुपैयाँ रहेको छ । यदि बैंकले वितरण योग्य मुनाफाबाट मात्रै लाभांश दियो भने पनि न्युनतम १० प्रतिशत दिन सक्छ । तर बैंकले बोनस शेयर दिएर पूँजी बढाउन चाह्यो भने जगेडा कोषबाट थप बोनस शेयर दिन सक्नेछ । जुन कम्पनीको सञ्चालक समितिमै भर पर्नेछ ।
