काठमाडौं । लक्ष्मी म्युचुअल फण्ड अन्तर्गत सञ्चालित शुभ लक्ष्मी कोषले साउन १९ गतेदेखि ५ करोड ईकाइ निष्काशन तथा विक्री खुला गर्ने भएको छ । यो खुलामुखी योजना हो । कोषले निष्काशन गर्ने कूल ५ करोड इकाइमध्ये ७५ लाख कित्ता कोष प्रवद्र्धक लक्ष्मी बैंकलाई सुरक्षित गरिको छ भने बाँकी न्यूनतम ४ करोड २५ लाख ईकाइमध्ये सर्वसाधारणलाई १ करोड ७५ लाख ईकाइ विक्री गर्न लागेको जनाएको छ ।
उक्त इकाईमा साउन २३ गतेसम्म आवेदन दिन सकिनेछ । साउन २३ गतेसम्म माग बमोजिम आवेदन नपरेमा भदौ २ गतेसम्म आवेदन दिन सकिनेछ । इच्छुक लगानीकर्ताले प्रतिइकाई १० रुपैयाँ अंकित मूल्यमा न्यूनतम १०० कित्तादेखि ५० लाख कित्तासम्म आवेदन दिन सक्नेछन् ।
उक्त इकाई निष्काशन तथा विक्री प्रबन्धकमा लक्ष्मी क्यापिटल मार्केट लिमिटेड रहेको छ ।
इकाइमा विक्री प्रबन्धक धितोपत्र बोर्डबाट स्वीकृती प्राप्त गरेका सम्पूर्ण सि–आस्वा सदस्य बैंक तथा वित्तीय संस्थाहरु र तिनका तोकिएका शाखा कार्यालयबाट आवेदन दिन सकिनेछ ।
