काठमाडौं । नेपाल धितोपत्र बोर्डले एभरेष्ट बैंकको दुई वटा ऋणपत्रलाई सार्वजनिक निष्काशनका लागि अनुमति दिएको छ । बोर्डले साढे १० प्रतिशत व्याजदरमा ६ वर्ष अवधिको ‘एभरेष्ट बैंक डिबेञ्चर २०८५’ र ५.५ प्रतिशत व्याजदरमा १० वर्ष अवधिको ‘एभरेष्ट बैंक उर्जा ऋणपत्र २०८९’ लाई स्वीकृति दिएको हो ।
दुबै ऋणपत्रले अव सर्वसाधारणका लागि सार्वजनिक निष्काशन गर्न पाउने छन् । दुई ऋणपत्रको आधार २/२ अर्ब रुपैयाँको रहेको छ । धितोपत्र बोर्डको साउन २ गते बसेको सञ्चालक समितिले स्वीकृत गरेको हो ।
बैंकले प्रति इकाई एक हजारको दरमा सर्वसाधारणका लागि ८/८ लाख इकाई बिक्री गर्नेछ । त्यस्तै बैंक आफैले १२ लाख इकाईको बिक्री गर्नेछ । ऋणपत्र निष्काशन तथा बिक्री प्रवन्धक लक्ष्मी क्यापिटल रहेको छ । यसरी बैंकले एकै पटक ४ अर्ब रुपैयाँको ऋणपत्र जारी गर्न थालेको हो ।
