काठमाडौं । आज एक्सेल डेभलपमेन्ट बैंक लिमिटेडको लाभांश सुरक्षित गर्ने आज अन्तिम दिन हो । बैंकले असार २८ गते साधारण सभा तथा लाभांश वितरणका लागि बुक क्लोज गर्ने तयारी गरेको छ ।
बैंकले लाभांश प्रस्ताव गर्न साउन ९ गते सिद्धार्थ होटल विर्तामोडमा सोह्रौं बार्षिक साधारणसभाको आयोजना गरेको छ । उक्त सभा भने विहान ११ बजेबाट सुरु हुने बैंकले जनाएको छ ।
बैंकले हाल कायम चुक्ता पूँजीको ८ दशमलव ५० प्रतिशत बोनस शेयर र सोको कर प्रयोजनार्थ ५१ लाख ५२ हजार ७५४ रुपैयाँ बराबरको नगद लाभांश वितरण गर्ने प्रस्ताव पारित गर्नेछ ।
यसका साथै अन्य उपयुक्त बैंक तथा वित्तीय संस्थासँग मर्ज अथवा एक्विजिशन सम्बन्धी कार्य गर्न र प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, प्रदेशस्तरिय बैंक बनाउन कार्यक्षेत्र विस्तार गर्ने लगायतका प्रस्तावहरु पारित गर्नेछ।
