काठमाडौं । विभिन्न लघुवित्तले एकैदिन लाभांश घोषणा गरेको छ । लाभांश घोषणा गर्नेमा, सपोर्ट लघुवित्त वित्तीय संस्था, नयाँ सारथी लघुवित्त वित्तीय संस्था र इन्फिनिटी लघुवित्त वित्तीय संस्था लिमिटेड रहेको छ ।
इन्फिनिटी लघुवित्त वित्तीय संस्था लिमिटेडले हाल कायम रहेको चुक्ता पूँजी ४१ करोड ४५ लाख १३ हजार २८४ रुपैयाँको २० प्रतिशले हुन आउने ८ करोड २९ लाख २ हजार ६५६ कित्ता शेयर लाभांश दिने प्रस्ताव गरेको छ ।
नयाँ सारथी लघुवित्त वित्तीय संस्था लिमिटेडले हाल कायम रहेको चुक्ता पूँजीको १९ प्रतिशतले हुन आउने ५ करोड ७६ लाख ४५ हजार ९९ कित्ता बोनस शेयर र १ प्रतिशतले हुन आउने ३० लाख ३३ हजार ९५३ रुपैयाँ नगद लाभाशं उपलब्ध गराउने जनाएको छ ।
साथै, सपोर्ट लघुवित्त वित्तीय संस्था लिमिटेडले चुक्ता पूँजी ८ करोड ५८९ लाख रुपैयाँको ११ प्रतिशतले हुन आउने ९४ लाख ३८ हजार कित्ता बोनस शेयर वितरण गर्ने घोषणा गरेको छ । यसैगरी ० दशमलव ५७८९४७३७ प्रतिशतले हुन आउने ४ लाख ९६हजार ७३६ रुपैयाँ नगल लाभांश वितरण गर्ने कम्पनलिे जनाएको छ ।
